Naalimpungatan si Zachi kinabukasan dahil sa pagkalam ng kanyang tiyan. Napangiwi siya at saka marahang bumangon. Hindi pa agad siya nakabangon dahil naramdaman niya ang bigat ni Ivo sa kanyang katawan. Kinagat niya pa ang labi at dahan-dahang tinanggal ang kamay at hita nito sa kanya. Talaga nga namang ang kulit ng isang ito at kagabi pa siya nito nilalandi. Hindi niya nga alam kung anong oras silang natapos kagabi pero sobrang pagod na pagod siya na gusto niya na lang magpalamon sa kama. Hindi lang yata katawan niya ang napagod kundi buong diwa niya.
Kung hindi nga lang siya nagugutom ay mas pipiliin niyang mahiga na lang hanggang mamaya hanggang sa gustuhin na niyang bumangon kaso kumakalam na talaga ang sikmura niya at hindi pa naman sila nakakain nang maayos kagabi.
Kinagat niya a
