“Did you call already? Alright, alright. Ano, nandoon na ba? Ano bang nangyari? Sige sige. Please call me again.”
Isang buntong-hininga ang pinakawalan ni Zachi at ipinagkuros ang kanyang mga hita at braso. Tiningnan niya si Ivo na busy sa cell phone nito. Nangunot pa ang kanyang noo habang ikinakalat ang tingin sa buong resto.
They were still waiting for their orders to be served at ito ang boyfriend niya, sobrang busy sa cell phone dahil lang sa isang cryptic na tawag ng secretary nito.
“What happened ba?” tanong niya na lang dito. Doon lang nag-angat ng tingin si Ivo sa kanya.
“Someone attacked Tricia. Nasa hospital siya ngayon. I just called my contacts in the PNP para makuha ang statement niya at para makapagreklamo siya.” Inilagay nito ang cell phone sa gilid.
