Chapter Ten
REBECCA
SINAMAAN ko ng tingin si Paeng nang makarating kami sa kusina.
Nahihiya ako sa mga banat niya kanina. Gosh. He even asked me kung gusto ko na raw bang mabusog ng siyam na buwan!
Nakakahiya. Sa harap pa talaga ng mga magulang niya pinairal ang kanyang kapilyuhan. Ayos lang sana kung kami lang.
Mabait ang mga magulang niya. Nang iniwan ako ni Paeng at nagtungo sa isa sa mga kwarto nang walang paalam, nagkwento ang mga magulang niya tungkol sa kalokohan ni Paeng.
(Flashback)
"Mabuti at pumayag kang sumama kay Paeng dito sa bahay hija," nakangiting wika ng ginang.
"Oo naman po," tanging nasabi ko na lang. Hindi naman ako napilitang sumama. At hindi ko iyon pinagsisihan dahil worth it naman ang pagsama ko.
Magiliw ang mga magulang niya. Kung sila ay suportado sa k
