Sinubukan ni Alexander na kausaping muli si Lilian ngunit mariin nitong tinanggihan ang kanyang pakiusap. Wala siyang nagawa kundi ang makuntento na lang na pagmasdan ito sa di kalayuan.
Ilang beses na siyang napabuntonghininga habang tinimbang ang kanyang ginawa kay Lilian at napangiwi siya nang mapagtanto niyang malabo na mabigyan siya ng isa pang pagkakataon. Siguro kung nagtimpi lang siya ng ilang araw noon, hindi sila aabot sa hiwalayan.
“Excuse me sir.”
Nabulabog ang kanyang pagbabalik-tanaw sa nakaraan nang may isang babaeng biglang sumulpot sa kanyang harapan. Bago pinansin ang babae na malamang ay gusto lang kunin ang kanyang numero ay muli siyang napatingin sa gawi ni Lilian at gumalaw ang kanyang panga nang makita itong matamis na ngumiti sa isang
