Kaagad na naghanda sina Paloma at Philip upang puntahan ang kanilang anak sa ospital. Hindi siya mapalagay habang nasa sasakyan at kaagad na tinawagan si Edwin upang ipaalam sa lalaki ang nangyari. “Busy ka ba?” Tinanong niya si Edwin.
Kumunot ang noo ni Philip at sinimangotan si Paloma kung bakit kailangan pa nitong ipaalam kay Edwin ang tungkol kay Lilian. “Ako na ang magmaneho,” sabi ni Philip kasi napansin niyang nanginginig pa rin ang mga kamay ni Paloma.
“Huwag na kasing matigas ang ulo,” giit ni Philip at wala siyang pakialam kung inirapan man siya ng babae.
“Kung sinabi mo kasi kaagad na si Marcus pala ang anak mo eh di sana ay wala tayong problema ngayon!” Sinisi ni Paloma si Philip. May kasalanan rin naman siya dahil nagpadalos-dalos siy
