Nang mapatingin siya sa sofa bed, kumunot ang kanyang noo dahil tulog pa rin ang lalaki. Bumangon siya at nilapitan ang lalaki upang gisingin ito. “Gising na, Alexander! Wala ka bang balak na magluto ng agahan?” Pinagalitan niya ang lalaki kahit nakapikit pa rin ang mga mata nito. Nainis si Lilian nang hindi pa rin gumalaw ang lalaki kaya sinipa niya ang paa nito.
Masakit ang kanyang ulo at buong katawan ngunit pinilit pa rin siya ni Lilian na gumising upang ipagluto ito ng agahan. Gustuhin man niya ay hindi niya talaga kaya. Ganunpaman, ibinuka niya ang kanyang mga mata at ngumiti sa babae. “Good morning, beautiful.” Biniro pa niya si Lilian.
“Ano’ng maganda sa umaga eh hanggang ngayon ay hindi ka pa bumangon?” Tinaasan niya ng boses si Alexander ngunit nakunse
