Isang araw ay dumalaw si Bea sa mga magulang niya. May dalawang buwan na din siyang hindi nakakadalaw kaya excited siya na makauwi ng Bataan. Nangako naman si Liam na ihahatid siya kaya lang ay kinailangan siya sa isang event as Guest Speaker at hindi siya nakatanggi. Tumuloy pa din si Bea dahil gustong gusto na din talaga niyang makauwi.
Pagdating sa bahay nila ay tuwang tuwa ang mga magulang niya.
“Bea!” Napasugod palabas ang papa niya pagkakita sa kaniya sa gate nila.
“Pa!” Kaway naman nang kaway si Bea habang papalapit ang papa niya.
“Sakto ang dating mo. Naghahain na ng pananghalian ang mama mo.”
“Naku, mabuti po. Gutom na ako.”
Nang makaupo na sa lamesa ay mama naman niya ang panay ang usisa sa kaniya.
“Ano na, Bea. Hindi na kayo ni Liam ano? Mabuti nga iyon nang hindi ta
