Mabilis na gumaling si Liam. Lumipas lang ang halos dalawang linggo ay sinabihan na agad sila ng doctor na pwede nang umuwi si Liam at sa bahay na lang tuluyang magpagaling. Iyon nga ang ginawa nila at iniuwi na si Liam sa condo nito. Hindi na umalis si Bea sa tabi ni Liam. Siya na ang nag-alaga dito pagdating sa bahay. Hindi pa din nakakalakad nang maayos si Liam. Gumagamit siya ng tungkod at kinakailangan pa ding alalayan. Pero bukod sa kaunting pilay na lang sa paa, magaling na si Liam.
Maging ang papa at stepmom ni Liam ay sumang-ayon na dapat ay si Bea ang mag-alaga kay Liam. Nakita nila sa ospital kung paano asikasuhin ni Bea si Liam kaya kampanteng kampante sila na sumama na si Bea sa condo nito. Pero nandoon din ang pag-aalala ng mga magulang ni Liam.
“Liam, iho, tingin mo ba da
