Sa loob lang ng isang linggo ay bumuti na nang husto ang kalagayan ng papa ni Bea. Si Liam ay kasalukuyang nasa ibang bansa pa din. Mabuti na lang at naihabilin niya kay Bea ang card niya, ito ang ginamit ni Bea nang ma-discharge sa hospital ang papa niya. Umabot ng mahigit isang milyon ang bill nila.
“Pa, ma, halika na po kayo, naghihintay na po sa sasakyan si Daniel. Siya po ang sumundo sa atin.”
Lumapit si Bea sa kama at binuhat ang ibang bag na nandoon. Ang mama naman ni Bea ang nagtulak ng wheelchair ng papa niya palabas ng kuwarto. Habang naglalakad sila ay sumisenyas ang mama niya kung okay na ang bill. Tumango lang si Bea at sumenyas din na huwag nang maingay.
Nang makasakay na silang lahat sa kotse at bumabaybay na pauwi sa Bataan, nagsalita ang papa ni Bea.
“Bea, anak, mar
