Nang gabing iyon ay napasarap ng pakikipag-inuman si Liam. Mga kaibigan nila sa pagmu-model ang kasama nila ni Dylan. Nagkayayaan lang at hindi naman nakatanggi si Liam. Napadaan sa kanila si Leah at nagulat nang makita sila. Miss na miss na ni Leah si Liam at takang taka ito na hindi na siya pinapupunta sa unit niya. Nang ayain naman nila si Leah na maupo ay sumali na din ito at nakipag-inuman sa kanila. Kaya nang malasing sina Liam at Dylan, kasama nila si Leah nang umuwi sa condo.
Awtomatikong nahiga sa sofa si Dylan pagpasok na pagpasok sa unit ni Liam. Si Liam naman ay may konting lakas na lang din na natitira at dumiretso na sa kuwarto niya. Wala nang paalam si Leah na dumiretso na din nang higa sa kama ni Liam, katabi niya.
Umaga na nang magising si Liam. Naalimpungatan pa siya a
