NANG SUMAMPA si Kitty kay Raven ay nangingiti pang niyakap niya ang alagang pusa ni Lhorde na agad sumalubong sa kanilang pagdating.
Kasama na siya ni Lhorde nang umuwi ito sa Ellison Mansion. Babalik na lang sila bukas sa bahay na ipapagawa niya.
“Kumusta ka, Kitty?” nangingiti pa rin niyang bati sa pusa.
“See? Pati si Kitty, sobrang na-mi-miss ka,” ani Lhorde na mataman silang pinagmamasdan.
“Talaga ba, Kitty? Miss mo rin talaga ako?” Natuwa si Raven nang ngumiyaw pa ang pusa.
“Pero syempre, mas higit ang pagka-miss ko sa iyo.”
Sa pagkakataon na iyon ay minabuti na muna ni Raven na ibaba si Kitty sa sahig. Kapag kuwan ay si Lhorde naman ang kaniyang hinarap.
“Please, ‘wag mo ng uulitin ‘yon, love. ‘Yong aalis ka na lang ng walang paalam. Hindi ko talaga kinakaya.”
Lumapit siya ri
