ANIMO nalulon ni Raven ang kaniyang dila nang makita ang ama’t ina ni Lhorde sa Ellison Mansion pagkauwi nila kinagabihan ng kaniyang nobyo.
“Good evening po,” magalang na bati ni Raven sa mga magulang ni Lhorde nang makabawi siya sa kaniyang boses.
Nang ngumiti sa kaniya si Berenice Ellison, para bang biglang tumalon ang puso niya dahil sa kaba. Naroon pa rin talaga iyong kaba niya pagdating sa ina ni Lhorde.
Dahil likas sa bansa nila ang magmano sa mga nakatatanda, kaya naman ganoon ang ginawa niya nang lapitan ang mag-asawang Ellison sa may malawak na salas ng mansiyon.
“Mabuti naman at nakauwi ka na, Raven,” anang Daddy Francis ni Lhorde matapos din niyang magmano rito.
“May nag-tip sa amin, Dad, kung nasaan si Raven. Wala pa sana siyang balak umuwi,” ani Lhorde.
“Baka naman hind
