NICHOLAS & MEGHAN
Tahimik na ang buong bahay nang makauwi siya. Habang paakyat siya sa second floor ng bahay, inisip niya kung ano kaya ang ginawa ni Nick at ni Margaret. Nakaramdam siya ng paninikip ng dibdib habang naglaro sa kanyang utak ang mga bagay na posibleng gawin ng dalawa sa katabing silid o sa silid mismo ng lalaki.
Nang makapasok siya sa kanyang silid, napalundag siya sa takot nang biglang may magsalita sa kanyang tabi, bago pa man niya nabuksan ang ilaw. “Nick! Ano’ng ginagawa mo rito?” tinanong niya ang lalaki.
“Bakit ngayon ka lang? Ano’ng oras na?” Kanina pa siya nabagot sa paghihintay sa babae.
“Malapit ng mag-alas dose,”sumagot si Meghan.
“Bakit ngayon ka lang?” Muling tinanong ni Nick ang babae.
“Bakit ba andami mong tanong? Kung hindi ka pa inaantok, bahala ka, p
