DAGLING nakatulog si Dame Lei sa tabi ko, na parang hindi man lang inaalala ang hitsura ng kama ko ngayon. Tumba na ang lahat ng mga paa nito. Maayos pa naman itong kinahihigaan namin. Pilay na nga lang.
Tumahimik na rin sila Joy at Lola. Siguradong natutulog na silang muli sa nga kwarto nila. Gusto ko sanang bumangon pero mahigpit ang pagkakayakap sa akin ni Dame Lei, kaya bukas ko na lamang aayusin ang mga paa ng kama.
Naririnig ko pa ang mahina niyang paghilik sa ulunan ko. Parang hindi siya naiinitan dito sa silid ko. Electric fan lang ang gamit namin.
Napangiti na lamang ako at niyakap din siya ng mahigpit.
Kaagad din naman akong nakatulog.
***
MAAGA rin akong nagising kinabukasan. Mahimbing pa rin ang tulog ni Dame Lei sa tabi ko.
Dahan-dahan na akong bumangon at isinuot ang
