"WHAT'S GOING ON, MOM?"
Napalingon naman kami kay Ma'am Damzel nang bigla na lamang din siyang sumulpot sa pinto, na laking pasasalamat ko.
"Umm, pasensiya na po, Ma'am Liezel." Kaagad akong yumuko sa harapan nila. "O-Oras na po ng trabaho ko."
"Okay, sige. Mamaya na lang tayo mag-usap," sagot naman niya, na ikinahinga ko ng maluwag.
"May problema ba, Mom? Ano'ng nangyari?" tanong naman ni Ma'am Damzel. Pumasok na rin siya dito sa loob habang humihimas ng tiyan niya. Masyado na rin siyang mabagal maglakad at parang kay bigat-bigat na talaga nang dinadala niya.
"Wala naman. May kaunting misunderstanding lang. Sige na, Ces, mauna ka na," pagtataboy na sa akin ni Ma'am Liezel.
"Sige po, Ma'am." Yumuko na lamang akong muli sa harapan nila bago lumabas ng silid. Naiwan naman silang dalaw
