SIXTEEN: "DNA Testing."
(Serenity's POV)
Nagmamadali ako habang hawak ko ng mahigpit ang kamay ng anak ko sa paglalakad. Kinakabahan ako! Kinakabahan ako sa naging reaksyon kanina ni Tyrone nang makita si Gabby.
Nahalata kaya niya? Nahalata kaya niya ang pagkakahawig ng anak ko sa pinsan niyang si Joseph? Nakaramdam kaya s'ya ng luksong dugo sa bata?
"Mommy, ba't po tayo nagmamadali?" Inosenteng untag ni Gabby bigla.
"May kailangan pa kasi akong tapusin sa opisina ngayong umaga kaya kailangan na talaga nating magmadali, anak." Pagdadahilan ko.
Tumango-tango naman s'ya indikasyon na naiintindihan niya ako.
Alam kong dapat ko munang kalmahin ang sarili ko sa ngayon, dapat ko munang tapusin ng maayos ang mga dapat kong ayusin sa opisina dahil next week na din naman ang release
