“Inom tayo mamaya, friend!” Nakaabrisyete sa akin si Carlotta habang naglalakad kami papunta sa elevator.
Pauwi na kami ngayon dahil tapos na ang trabaho namin. Alas dos na ng madaling araw at ramdam ko na ang pangangalay ng mga binti at paa ko. Parang inihahakbang ko na lang ito para makauwi na, pero mas madali sana kung pwedeng lumipad na lang. Pumipikit-pikit na rin ang talukap ng mga mata ko dahil sa antok.
“Wow! Para namang umiinom ako?” pabirong sagot ko sa kaibigan na tinawanan niya.
“Ay oo nga pala. E ‘di juice sa ‘yo, para iinom pa rin tayo pareho.” Nagtaas-baba ang kanyang dalawang kilay na akala mo ay gagana ang pakikipagnegosasyon sa akin.
Sa dalawang linggo ko rin na pagpasok dito sa trabaho ay siguro mayroong dalawang beses na nagyaya si Madam Pring na mag-celebrate l
