Sabado. Walang pasok. Kaya medyo tinanghali ng gising si Dianne. Wala na si Massimo sa tabi niya at wala rin ito sa kuwarto. Kaya agad siyang bumangon at naglinis ng sarli sa banyo. Pagkatapos ay saka siya bumaba at hinanap sa paligid ang binata. Sa garden niya ito naabutan na kausap si Beatrice. Napansin niya na parang may seryosong pinag-uusapan ang dalawa. Nakakunot kasi ang noo ni Beatrice. Samantalang nakatalikod naman si Massimo kaya hindi niya makita ang mukha nito.
Pero lumiwanag ang mukha ni Beatrice nang makita siya.
Kaagad itong tumayo upang salubungin siya. "Buongiorno, Dianne!" Good morning, Dianne! Nakangiting bati nito sa kaniya at nagbeso pa.
Napangiti rin siya at nagbeso rin dito. "Good morning."
Nang bumalik na sa pagkakaupo si Beatrice ay si Massimo naman ang tumayo
