Point of view
- Raven Beringer -
"Anong ginagawa mo rito?" saad ko kay Dave na nasa aking harapan.
"S-Sir, hawak ko na po ang layout design para sa bagong branch."
"A-Ah, s-sige. Ilapag mo na lang diyan," nauutal kong tugon. Sinubukan kong ibalik ang aking tingin sa mga papel na aking ginagawa. At napansin ko na nananatili pa rin siyang nakatayo sa aking harapan. "You can go now, Mr. Montes," pagpapaalis ko sa kanya.
Ngunit imbes na umalis. Nanatili pa rin siya roon.
Binalewala ko na lang iyon at binuksan ang mga papel sa clipboard na pipirmahan ko.
"Kathleen Nicole Vergara." Natigilan ang aking kamay sa aking ginagawa nang banggitin niya ang buong pangalan ni Kathleen. "Iyon po ba ang pangalan ng babaeng kausap nyo kanina, sir?" tanong niya.
"Hindi ko alam ang sinasabi mo," pagta
