"Troy!" Malakas niyang sigaw habang mahigpit niyang hawak ang kamay ng asawa. Nasa loob na sila ng ER at umiire na siya para mailabas ang kanilang baby boy. Kasama niya ang asawa hanggang sa may ER at hindi na siya nito iniwan pa.
Panay ang sigaw niya ng malakas at lagi niyang sinisigaw ang pangalan ng asawa ng paulit-ulit. Bahala na kung pagtawanan siya ng iba pa nilang kasama roon, basta tanging isisigaw niya ang pangalan ng asawa hanggang sa makaraos siya at mailabas na kanilang anak.
Bago siya naitakbo ni Troy sa ospital nakatawag na ito sa mga magulang nito at sa Mommy niya na manganganak na nga siya, at paniguradong natataranta na rin ang mga iyon, baka ang Mommy niya papunta na ng San Ignacio para makita nito ang apo. Ang lolo at lola naman niya hindi na muna tinawagan ni Troy at
