PAGKATAPOS ng hapunan ay nag-impake na ang magkasintahan. Katunayan nang matuyo ang nilabhan nilang damit ay naihanda na ni Agatha ang mga dadalhin nilang gamit. Si Baldwin na lang ang nag-ayos nito sa maleta. Lalo siyang natuwa nang sabihin ng binata na isang linggo silang maglalagi sa resort nito. Namili pa ito ng rash guard na isusuot nila kapag maliligo sa beach.
Katulad ng dating gawi, kailangan pa rin niyang magtago kapag lalabas ng bahay. Nauna na siya sa kotse ni Baldwin. Tiniyak muna ng binata na naka-lock lahat ng bintana at pinto. Susunduin pa nila si Lily kaya mas maaga silang umalis. Baka gutumin siya sa daan kaya dinala rin nila ang tirang pagkain at snacks.
Saktong pagdating nila sa opisina ay nakahanda na si Lily. Si Baldwin ang kumuha sa maleta nito at nagsara ng mga bin
