AS THE TIME GOES ON!
"Tingnan lang natin kung makaligtas pa ang babaeng iyan ngayon sa ihinanda nating patibong. Simula nang dumating siya rito sa pamilyang ito ay etsapuwera na tayong lahat ni Boss."
"Amy, sang-ayon ako sa patibong oo. Pero hindi ibig sabihing nakakatuwa ka. Aba'y sino ang maniniwalang pinagsamantalahan ka ng kasintahan ng boss natin kung ganyan ka naman kaarteng magsalita, huh!"
"Teka lang, Rhoda. Kakampi ka ba o kaaway? Hindi lang ako ang may kaisipan sa planong ito kundi tayong apat. Ngunit sa ikinikilos mo ay wala kang kinalaman."
Subalit bago pa magkainitan ang dalawa ay pumagitna ang isa pa nilang kasama sa masamang binabalak.
"Kung gusto ninyong dalawang maudlot ang planong ito ay sige lang, magbukingan kayong dalawa. Walang maniniwalang kasala kami sa plano d
