Sabrina
"Max, pakidala mo muna ang apo ko sa k'warto n'ya," sabi ni Inay, pagkatapos n'ya akong sulyapan ng tanungin ko kung magkakilala sila ng ama ni Georgina.
"Sige Nay," sagot ni Max, na sumulyap din kay Georgina bago sundin si Inay.
"Maupo ka Armando," sabi ni Inay, pagkaalis nina Max.
Naupo ang ama ni Georgina sa pang isahan upuan na kawayan sa tapat naming dalawa, nasa kabilang side naman sa harapan din namin si Inay at Itay.
Wala pa man nangyayari ay ramdam mo na ang tensyon sa paligid namin, hindi lang sa amin kung hindi pati sa aming mga magulang.
Parang lahat ay nagpapakiramdaman at walang balak na may magsalita.
"Bakit po kayo magkakilala ng ama ni Georgina, Inay?" ako na ang unang nagsalita, kahit na ang kaba ko ay hindi ko na masukat, nanlalamig na rin ang aking mga k
