Sabrina
"Good morning and happy birthday," nakangiting bungad ni Georgina sa'kin pagbukas pa lang ng mata ko, nakahiga s'ya paharap sa akin.
Automatic naman na sumilay ang ngiti ko sa kan'ya, parang ang sarap lang sa pakiramdam na 'yung magandang mukha n'ya ang bubungad sa paggising ko.
"Thank you," sagot ko na nakatitig sa kan'ya. Para akong hinihigop kung paano s'ya tumingin sa akin, dahilan para makalimutan ko na bagong gising pala ako at baka may muta pa.
"Nakuha mo na agad 'yung gift mo. Sana sinabi mo na agad kagabi na gusto mo 'yun para ibinigay ko na pareho, para sana sabay mong hawak ngayon," mahabang sabi niya na ang ngiti sa labi ay hindi mawala-wala.
Napakunot naman ang noo ko, dahil hindi ko gets kung ano ba ang tinutukoy n'yang gift na kinuha ko.
"Anong gift? Wala pa na
