Claire’s
“Iyong batang ‘yun talaga hindi na nahiya kay Baste at sa mga bisita.” Dismayadong umiling si manang sa mga nasaksihan.
Pinagmasdan ko si manang Belen na kakapasok lang ng kusina dala ang mga pinagkainan ng mga bisita. Nakakunot ang noo nito. Siguro ay dahil ito sa mga naganap kanina, iyong halikan nila Seb at Chelsea. Kahit naman siguro ay maiinis dahil sa ginawa ng babaeng iyon, masyadong ibinaba ang sarili para sa lalaki.
“Tulungan ko na po kayo, manang.” Kinuha ko sa kaniya ang mga dala niyang pinggan. Marami kasi iyon at nahihirapan siya.
“Naku, hija, hindi na kailangan, kaya ko na dito. Nakakahiya sayo,” pagtatanggi nito, umiling tanda ng ayaw talaga nitong tulungan ko siya.
“Okay lang po, manang. Nahihiya kasi akong lumabas. Dito muna ako at tutulungan ko kayo,
