ILANG sandali pang pinakalma ni Everlee ang sarili bago lumabas ng silid. Panigurado siyang ipapasundo siya kaya kailangang lumabas siya. Saka ayaw niyang mapansin ng mga ito na may dinadala siya ngayon.
Nalungkot lang si Everlee talaga dahil sa nakita. Dinayo pa niya ang sumbrero na iyon sa Madrid para ipatahi sa sastre ng pamilya nila. Pero binigay lang ni DK nang gano’n lang. Walang problema dahil sa kapatid naman niya napunta, pero nasaktan siya. Hindi rin dahil sa kapatid niya, kung hindi dahil kay DK. Ang bilis lang talaga nitong magbitaw sa kahit ano man.
Hindi pa talaga lubusang naka-move on si Everlee. Lahat ng mga sinabi niya sa dating asawa ay hindi totoo. Na mahal niya si Ryder. Gusto lang niyang ipakita rito na naka-move on siya. Pero ang hirap pala magpanggap. Lalo na ngay
