"Take care of her please," nag-aalalang sambit ni Kier kay Dee na siyang ikinairap naman ni Naddie. Nailing na lang siya rito
"I'm not a kid, Kier," paalala niya rito dahil mukhang nakalimutan na naman ng magaling niyang kababata. Natawa lang si Kier at saka ginulo ang kanyang buhok.
"Tsk. Alam ko naman, basta, Deogracia, ha. Ikaw na ang bahala rito. Alam kong makapangyarihan kayo pero sinasabi ko sa iyo, dragon kung magalit si Tito Duke. Patay ka talaga pag nagkataon," babala pa ni Kier kay Dee na siyang ikinalaki ng mga mata ni Naddie.
"What the heck?! Kier!" nanlalaking-matang sambit niya sa lalaki. Tumawa lang si Kier sa kanya. Hindi na tuloy siya makatingin kay Dee dahil sa sobrang hiya.
Ngumisi lang din naman si Dee sa kanya at umiling. "It's fine," sabi pa nito sa kanya. Na
