***MANET***
“Marianneth, naandiyan ka ba sa loob?”
“Opo,” sagot agad ni Manet sa matandang babae na tumatawag sa kanya. Nagmadali siyang bumaba sa kanyang kama. Nakahilata lang siya maghapon kasi tinatamad siya. Parte malamang ng kanyang pagbubuntis.
Naghihikab pa nga siya habang patungo sa pintuan ng bahay na pagmamay-ari ng kanyang Daddy sa Victoria, Oriental Mindoro.
Actually, marupok na at halos hunted house na ang bahay noong dumating siya roon noong nakaraang buwan. Mabuti na lamang at naisip niyang hatiin noon ang savings nila ni Randy sa bangko bago siya magpakalayo-layo. Ginamit niya ang pera na iyon sa pagpapaayos ng bahay ng kanyang namayapang ama dalagita pa lang siya. Pero syempre konti lang na paayos para hindi malaki ang gastos. Sapat na na may safe at maayos na matutul
