Kalalabas lang ng doctor. Tulog si Uncle Manny, kinailangan kasi itong patulugin dahil nang magising ay unang ginawa ay magwala.
"Jericho, kumusta ang negosyo ninyong magkapatid?" tanong ni Lolo Eulo kay Daddy na napabuntonghininga.
"Maayos naman ang takbo ng mga iyon. Huwag n'yong alalahanin. Mas maayos akong magpatakbo kaysa kay Manny. Mas alam ko ang ginagawa ko, hindi ako reckless na katulad n'ya." Napangiti ako sa sinabi ni Dad. Proud na proud ako, dahil alam kong totoo ang sinabi nito.
Masyado lang kasing napapaburan si Uncle Manny ng matandang Soloren. Pero sa kanilang magkakapatid, mas lamang si Daddy. Si Uncle Melchor ay hindi balakid dahil hindi ito interesado sa mga negosyo rito sa Sindang. Nasa Metro ang buhay nito at ng partner nito. Hindi ko pa nga lang na meet, dahil p
