Palalayasin ko sila sa mansion. Dahil hanggat naroon sila, hindi ako matatahimik.
Nang bumaba ako ng sasakyan ay agad ding bumaba si Daddy Melchor. Sa bahay na ito natulog dahil nais nitong kasama s'ya kapag bumalik ako sa mansion ng mga Soloren.
Kausap ko ang abogado kanina na si Sir Miguel. Sinabi ko ritong nais kong paalisin ang mga Soloren doon, ang sagot naman nito sa akin ay ako raw ang bahala dahil sa akin na ang mansion.
Pero hindi pa man nakakahakbang para lumapit sa malaking pinto ng mansion ay nagsalubong na ang kilay ko.
"Dad, naaamoy mo ba ang naaamoy ko?" takang ani ko rito. Iginala ko ang paningin. Wala akong nakitang mga tauhan ni Lola Hilda na romoronda. Nakakapagtaka naman iyon.
Agad lumarawan ang takot sa mukha ni Daddy. For sure naaamoy rin nito iyon.
"Anong
