CHAPTER 15
"Hindi man lang namin naabutan ang asawa mo," himutok na saad ni Monica, isang gabi nang dalawin siya nito kasama si Luisa sa kanilang tahanan.
Nasa loob sila ng kanyang silid sapagkat si Maxine ay papatulog na nang oras na iyon. Kasalukuyang nakahiga na sa kama ang kanyang pamangkin habang nakadede sa botelya nito. Nasa tabi lamang siya ni Maxine at nakasandal sa headboard ng kanyang kama. Samantalang ang dalawa niyang kaibigan ay nakaupo sa paanan ng kama, kapwa nakaharap sa kanya.
"Oo nga naman, Cara. We are dying to see him," susog pa ni Luisa.
Napabuntong-hininga siya. Kahapon nga nang umalis muna si Zandro katulad ng paalam nito. Kung ano ang gagawin nito sa Batangas ay hindi niya na pinilit na alamin pa. Naisip niya rin, despite his "work" for her ay may sarili pa rin
