Matiyaga na naghihintay si Niccolo sa coffee shop na iyon. Hindi niya inaasahan ang bubungad na text message sa kanya sa araw na iyon. At sa kabila ng pagiging abala niya sa kanyang trabaho ay hindi siya nag-atubili na pumunta at makipagkita rito.
Napaaga siya ng dating kaysa sa napag-usapan na oras, kaya habang naghihintay ay patuloy na tumatakbo ang isipan ni Niccolo sa mga pangyayari mahigit isang taon na ang nakakalipas. Alam niya na marami siya na kailangan ipaliwanag sa mga nagawa niya noon, at ngayon na ang pagkakataon na iyon.
“Niccolo.”
Napaangat ang ulo ni Niccolo mula sa pagkakayuko nang marinig ang tinig na iyon na tumawag sa kanyang pangalan. Tipid na ngiti ang paunang bati niya sa kanyang kaharap.
“Thank you for meeting with me on such a short notice.” Dugtong nang kausap
