PANGDALAWANGPOT-SIYAM NA KABANATA
Nakaupo si Agatha sa harapan ng bahay ni Alex, alas ocho na ng gabi pero wala parin si Alex, simula nang makauwi siya galing sa unibersidad, halos limang oras na siyang naghihintay sa pagdating ni Alex, wala naman siyang susi para makapasok sa loob. Ayaw na niyang palaging mag-isa sa labas lalo na kong madilim dahil pakiramdam niya palaging may nagmamasid sa kanya, lalo na nang tumira siya sa bahay ni Alex, pakiramdam niya malapit lang si Margaret sa kanya para bantayan niya, hindi niya maintindihan ang sarili, kahit na sabihin ni Alex na ligtas siya sa lugar na ‘yon, hindi parin nawawala ang pag-aalala niya sa sarili.
Katulad ng mga oras na ‘yon pakiramdam niya may nakatingin na naman sa kanya, isinasangtabi niya ang pakiramdam na ‘yon pero hindi talaga
