"NGAYON, magsalita ka at iyong ipaliwanag kung ano itong alitan ninyo ng Kuya AC mo. Aba'y hindi namin kayo pinalaking palaaway at basagulero! Hah! Hindi lang sa military applicable ang comrades kundi dito rin sa loob ng bahay! Magkaaway ba kayo ng Kuya mo o magkakampi?! Now na! Magpaliwanag ka kung gusto mong maayos ang usapan!"
Nakapamaywang na litanya ni Lampa sa anak o si Ruben II. Subalit mas tumubo ang inis ng Ginang sa katawan dahil hindi ito umimik at mas wala siyang napalang paliwanag dito. Kaya naman ay mas minabuti na rin ni Sablay Dulay na pumagitna. Lalo at hindi nalingid dito ang expression ng mukha ng mahal na asawa.
"Anak, kinakausap ka ng Mama ninyo. Aba'y huwag mong hintaying ako ang magalit. Kahit isa kang doctor kung wala akong marinig na paliwanag sa iyo kung bakit
