"KUNG ganoon ay wala na tayong magagawa kundi ang hintayin siyang kusang babalik dito sa Baguio o sa Auntie Cora ninyo, anak," malungkot na saad ni Lampa sa inaanak nila.
"Opo, Tita. At huwag po kayong mag-alala sa kaniya dahil safe po siya. Gustuhin ko mang sabihin sa inyo kung saang lugar iyon ngunit mahigpit po ang bilin niya na huwag. Kaya't pasensiya na po," tugon nito.
Dahil dito ay sumabad na rin si Sablay.
"Anak, huwag mo ng isipin ang bagay na iyan. Ang malaman naming nasa safe siyang lugar ay malaking bagay na. Alam mo namang sumabay pa ang kinakapatid mo sa Saudi Arabia." Bahagya niya itong tinapik-tapik sa balikat.
"Tama ang Tito Ninong mo, Wayne anak. Kaya't palayain mo ang iyong sarili sa ano mang guilt. Go and pursue your life. Hindi pocket wala sa iyong piling ang mat
