"I need her," then he paused.
Bumalatay ang ngisi sa labi ni Terron sa kaprangkahang narinig mula kay Greyzon. Humigpit ang kapit niya sa can beer na hawak. Halos mayupi na 'yon sa pagkakadiin niya.
"...but I know you love her," Greyzon continued.
Napalingon si Terron kay Greyzon. Nakatingin lang ito sa hawak na kupitang may lamang alak. Kalmadong kalmado habang siya ay kanina pa nagliliyab sa halo halong emosyon.
"Then answer me Villaflor. Maraming babae sa mundo pero bakit siya pa yung napili mo? Si Leigh pa talaga!" Hindi naiwasan ni Terron ang maging sarkastiko sa kaibigan.
Nag-angat ng tingin sa kanya si Greyzon. Nagkibit-balikat ito at ngumiti ng nakakaloko. "Why not? She's my type Terron. At sa tingin ko madali ko siyang mamahalin. Kilala mo'ko, lalo na kapag talagang sinabi ko
