Lance and Jane part 9
"Mommy." Lumapit sa akin si Jack para salubungin ako ng halik ngunit napansin kong hindi siya maliksi katulad kahapon.
"Jack, are you okay?" bakas sa mukha ko ang pag-aalala. Hinaplos ko ang noo niya. "May lagnat ka."
"Nilalamig po ako Mommy."
Kahit mabigat na siya at binuhat ko siya papunta sa kuwarto ko. Kumuha ako ng gamot para painumin siya.
"Kanina ka pa ba nilalagnat, anak?"
"Ngayon lang po ako nilalamig," tugon niya habang nakapikit siya.
Inilagay ko sa kilikili niya ang thermometer at binalot ko siya ng kumot.
"Diyan ka lang anak, kukuha lang ako ng pagkain mo."
Hindi na ako sinagot ni Jack dahil natulog na siya. Dumiresto naman ako sa kusina para kumuha ng pagkain niya.
"Manang, kanina pa ba siya may sakit?" tanong ko sa katulong namin nagluluto
