Animo'y may mainit na kamay ang humaplos sa puso ni Erin nang makitang ingat na ingat na ihiniga ni Caleb ang mahimbing na natutulog na si Calix sa kama nito at hinalikan sa noo bago tuluyang lumayo sa natutulog nilang anak.
Inayos pa nito ang kamay ni Calix na may sugat para hindi iyon madaganan ng kanilang anak na sobrang likot kung matulog. Kitang-kita niya ang sobra-sobrang pagmamahal nito sa kanilang anak na lalong tumutunaw sa kaniyang puso.
Ngayon palang nagkikita ang mag-ama pero ramdam niya ang pagpapahalaga ni Caleb sa anak nila. Malambing ito at maalaga itong ama. Sa sobrang pag-aalaga ay ayaw nang magpababa ni Calix mula sa pagkakarga nito rito. Kahit minsan ay may nakikita rin siyang takot kay Caleb... Takot na baka hindi ito magiging mabuting ama sa kanilang anak.
Katul
