Kanina pa pabalik-balik sa sala si Rage at panaka-naka ang silip niya sa bintana dahil ang kanyang Ninang ay kausap ang Leon na iyon sa terrace. Naririnig niya ang halakhak ng kanyang ninang at tila ba tuwang-tuwa ito sa mga sinasabi ng lalaki.
Todo ang kaba niya dahil para bang nagugustuhan ng kanyang ninang na kausap ito. Kahit na naglagay na siya ng meryenda doon, iyong natirang pares overload. Na para sa kanilang dalawa ng kanyang Ninang.
Ang mangko nito ay inilapag niya sa mesa sa terrace, inilagay din niya doon ang sa kanya para sana kumain kasama ito. Pero pinapasok siya nito sa loob ng bahay dahil para nga daw makapag-usap ito at si Leon ng maayos.
Ayaw pa nga sana niyang umalis dahil gusto niyang bantayan ang mga ito pero nauna ng umalis si Kuya Amaro at sapilitan siyang ina
