Nagising akong wala na si Charles sa aking tabi. Sinilip ko ang ilalim ng kumot at nakita kong nakasuot na ako ng malambot na pajama at t-shirt niya mula sa magdamagan naming pagniniig kagabi. Nalalanghap ko pa ang kanyang amoy sa unan at kumot.
Bumangon na ako at inayos ang kama. Napakaaliwalas ng aking pakiramdam kahit bahagyang humihilab ang aking sikmura.
Masaya akong lumabas ng silid at hinanap siya sa buong resthouse. Naririnig ko ang pagkakagulo ng mga kapatid ko sa kusina pero sinilip ko lang sila doon para tingnan kung naroroon si Charles. Napanguso ako nang hindi ko siya natagpuan doon.
Nagtungo ako sa likod bahay kung saan mayroong malawak na pool ngunit mga kasambahay ang nakita kong naroroon at abala sa paglilinis ng tubig sa pool.
"Good morning, Ma'a--"
"Ay talangka!" n
