Pabulong-bulong ako ng mga hindi ka-aya-ayang salita habang nakabusangot na nakatingin sa lalaking nasa harapan ko. Nakapamaywang pa ito habang nakataas ang dalawang kilay na nakatingin rin sa akin. Hinihingal na ako dito at pinagpapawisan na. Bukod pa do'n, kumikirot na rin ang mga binti ko pero parang wala lang sa kanya.
"Baby, come on..." aniya saka bumuntonghininga. "Isang ikot lang hanggang sa kabilang street." Lumapit ito sa akin saka humawak sa braso ko.
"Ayoko na, Qino! Pagod na ako!" Ma-drama kong reklamo saka pinunasan ang pawis na namuo sa ilong ko. "We have been walking for almost an hour!" Inirapan ko siya.
"Almost an hour?" Natatawa nitong ulit saka tumingin sa smartwatch niyang suot. "We've only been walking for 3 minutes, and you're telling me you're exhausted already ev
