Hindi kagaya kanina na napupuno ng ingay ng pagbabarilan ang buong paligid, naging mapayapa na ito ngayon. As they look up at the sky, it was already starting to get brighter. Unti-unti nang nakikita ang kakarampot na bakas ng kulay kahel at rosas sa kalangitan. Mas lumakas pa ang huni ng mga ibon, mas lumamig ang ihip ng hangin.
Kung nakakagawa lamang siguro ng ingay ang damdamin ng isang tao, ang kay Hendrix ang bubulabog sa mapayapang lugar. Mabagal at pahirapan ang kaniyang paglakad papunta sa dalaga. Halos manlabo man ang kaniyang paningin ay hindi niya ito hinayaang sumuko. Pinanatili niya ito sa mukha ni Athena, sinisiguradong hindi na muli ito mawawala pa sa kaniyang paningin.
Kinalas ni Tom ang mga tali nito sa kamay at binti bago lumayo upang bigyan ang dalawa ng oras.
