seventeen
“Ikaw, walang kasing kapal ang mukha mo. Mana ka sa ina mong kabit
na makapal ang mukha at malakas ang loob na magpakamot sa
mayaman kong asawa kahit na hamak na labandera lang naman.”
Tahimik na nakayuko si Cayden sa harap ng mesa kung saan siya mag-isang nakaupo at mag-isa rin na kumakain pagkatapos ng birthday party ng Papa niya.
Halos hindi na niya malunok ang piraso ng karne dahil sa mga salitang lumalabas sa bibig ng babae. Gusto lang naman niyang masilip ang ama niya na mag-celebrate ng birthday. Gusto niyang batiin kaya lang lasing na at tulog. Hindi na niya nakausap nang matino dahil kulang na lang ay ikulong siya ni Violeta sa bodega para huwag siyang lumabas sa harap ng maraming tao.
“Pagkatapos mong lumamon, lumayas ka na at huwag kang magkakamaling magbalot da
