"Thank you so much for taking care of me, for curing me and most of all, for reviving me." Totoo sa puso na pasalamat ko sa doktor at sa mga nurse na nag-alaga daw sa'kin sa ospital na 'yon, noong araw ng dismissal ko.
Kahit hanggang ngayon na hindi pa rin ako naniniwalang nakatulog nga ako ng matagal, nagpapasalamat pa rin ako sa kanila. Ramdam ko kasi ang totoong pagmamalasakit nila sa'kin na para bang matagal talaga kaming nagsama. Napaluha pa nga ang isang nurse na nagngangalang Cheska, eh, at sa tingin ko'y twenty five years old lang yata. Siya 'yong nurse na gumawa pa noon ng welcome banner para daw sa "pagbabalik" ko sa realidad. At siya lang din ang matiyagang nakikinig sa mga kuwento ko tungkol kay Elisha, kahit alam kong deep inside, hindi siya naniniwala.
