FLYNN'S POV
Araw ng reunion concert ng JimBel Love team. Seven P.M. ang nakalagay sa ticket na umpisa nito. Pero mas maaga ako ng limang oras. Schedule din kasi ng pamimigay ko ngayon ng rasyon sa street people sa Pasay. Iyon ang lugar kung saan ako unang dinala ni Elisha noon para mamigay ng pizza at mga damit. Kung saan ako unang iminulat ni Elisha sa totoong pagmamahal sa'kin ng Diyos
Simula noong lumabas ako ng ospital, binalik-balikan ko na ang lugar na iyon. Noong una, para lang sana maghanap ng patunay na minsan na akong nakapunta sa lugar na iyon at kasama ko pa si Elisha. Pero kahit sila man, hindi kilala ang mahal ko. Ni hindi nila matandaang pumunta ako doon at tinulungan sila. Kahit 'yong mga batang tunatawag sa'min noon ni Elisha na 'ganda' at 'pogi' ay hindi kami
