Chapter 7
Pagkaluto pa lang ni Lucylyn ng agahan nila ay agad na niyang pinakain si Brielle. Hindi na siya nag-abala pa na hinatayin si Jeremiah para sabay-sabay silang kumain.
Mahimbing na mahimbing pa ang pagkakatulog ng asawa niya ng iwan nila ito sa kwarto. Naiintindihan niya kung bakit mag tanghali na ay tulog pa rin ito. Tiyak niya na napuyat ito kagabi dahil sa kung anong ginawa nito.
Sumandok siya ng kanin sa plato gamit ang kutsara. “Brielle, here.” Iniumang niya ang kutsara sa bibig nito. “Ubusin mo na ito ng makapag ligpit na ako.”
Ibinaba nito ang binabasa na libro at hinarap siya.
“Okay po, Mama.” At isinubo nito ang laman ng kutsara.
Magliligpit na si Lucylyn ng pinagkainan ng anak ng pumasok si Jeremiah ng kusina. Nakita pa niya ang ginawang paghikab nito, makikita na
