FERDINAND’S POV
SUNOD-SUNOD ang pagbuga ko ng sigarilyo habang nakatingin kay Amelia na mahimbing na natutulog. Muli na naman akong nagpatukso sa init ng katawan. Ang hirap kasing tiisin ang pang-aakit ni Amelia sa akin at dahil matagal na akong walang kasiping ay mabilis niya akong naakit. Ang akala tuloy ni Amelia ay tanggap ko na siya ngunit hindi ko pa rin makakalimutan ang ginawa niya sa akin lalo na kay Laura.
Binuga ko ang usok ng sigarilyo. “Sige, maniwala kang mahal pa rin kita,” bulong ko.
Lumabas ako ng kuwarto at saka pumunta sa terrace ng bahay namin kung saan matatanaw ang bilog na buwan. Habang nakatingin ako sa bilog na buwan ay humithit ako ng sigarilyo.
“Tanggap ko ng hindi na tayo magkakabalikan at kasalanan ko ang lahat.” Huminga ako nang malamin, pagkatapos ay bi
