ACHILLES POV
Halos trenta minutos na akong, naka-tambay dito sa loob ng sasakyan, sa harap ng bahay ni Alex. Pinag-mamasdan ko lamang ang bahay niya mula dito sa labas, at nag-iipon ng lakas ng loob bago pumasok.
Isang beses pa akong humugot ng hangin bago lumabas ng sasakyan at tinungo ang gate.
"Sir Aki!" bati sa'kin ng guard nang makita ako. Agad akong pinagbuksan ng gate, at pumasok ako sa loob nito.
"Domeng, si Alex ba nariyan?" Wika ko.
"Ah, di ko po alam eh, kakarating ko lang po kasi. Naka-uwi na yung pang- night shift na kasamahan ko. " nag-kamot pa ito ng ulo matapos tumugon.
"Ganun ba, sige itatanong ko nalang sa mga kasambahay," saad ko bago ito tinalikuran
"Sige ho."
Tinungo ko na ang daan patungo sa loob ng bahay ni Alex. Hindi ko alam pero may kaba akong nararamdam
