HINDI nagustuhan ni Alex ang presensiya ni Lucas kaya nagpaalam na siya kina Luningning at Aisa na mauna nang matulog. Nag-insist ang kapatid ni James na ihatid siya nito sa kuwarto niya dahil baka mahulog siya sa hagdan pero nakipaagmatigasan ang dalaga. Kahit paekis-ekis na ang lakad niya at halos gumapang na siya sa hagdan ay hindi talaga siya humingi ng tulong sa binata. Pilit niyang kinaya ang makarating sa second-floor nang mag-isa para lang makaiwas dito.
Akmang bubuksan na ni Alex ang pinto ng kaniyang silid nang may maramdaman niya na may humawak din sa doorknob na hawak niya at pinatungan nito ang kamay niya. Muntik na siyang mahimasmasan sa pagkagulat.
Ngunit nang magsalita si Lucas mula sa kaniyang likuran, pakiwari niya ay lalo lang siyang nahilo.
“I told you, you need hel
