MATAMANG nilapag ni Sean sa harap niya ang isang paper bag mula sa isang kilalang restaurant. Nakasibangot itong naupo sa upuan sa harapan ng kanyang working table. May problema siya at madami iyon kaya wala siya panahon intindihin ang topak ng katrabaho niya. Sunod na pumasok sa opisina niya si Alwyn at kagaya ni Sean may dala din itong paper bag galing naman sa paborito niyang coffee shop. Nilapag din ni Alwyn iyon sa harap niya bago naupo sa tapat ni Sean.
“Bribe ba 'to? Bakit ang dami niyo namang binili.”
Isa isa niyang sinilip ang mga laman ng paper bag na nasa harapan niya. Inuna niyang ilabas ang milk tea na nakalagay sa paper bag na may pangalan ng paborito niyang coffee shop. Miss na niyang uminom noon at hindi na niya matandaan kung kailan ang huling inom niya. Inalog niya iyon
